১
তোৰ জেপত ভাঁজ খাই থকা
এমুঠি জীয়া ইতিহাস
এটি তেজলগা দিনৰ কবিতা ...
স্বপ্নৰ পৰিধি ঠেলি নীৰৱে আগুৱায়
তোৰ বুকুৰ সেউজীয়া ঘাঁ ...
২
সি কথা কয় গৰ্কীৰ
তাৰ সিক্ত একোণত লাগি ৰয়
শতাব্দীজোৰা সংগ্ৰামৰ তেজ ...
তোৰ জিভাৰে উচ্চাৰিত হয়
মাৰ্ক্সৰ মুঠি মুঠি সপোনৰ ঢৌ ...
৩
নিচাত মুদ খোৱা দুচকুত তোৰ
জোন-তৰাই নেমেলে গানৰ পোহাৰ
হৃদয়ত লাগি ৰয় সেয়া
আমৃত্যু যন্ত্ৰণাৰ চেকা - শতাব্দীজোৰা ...
৪
জুইৰ লেলিহান শিখাই আজিও সোঁৱৰায়-
"জীৱন, তোৰ বুকুত খোদিত কৰিম
সংগ্ৰামৰ জীয়া ইতিহাস ..."
No comments:
Post a Comment